Fahitan' i Esdrasa

Ny Fahitan' i Esdrsa na Fahitan' i Ezra dia asasoratra apôkrifa tranainy voalaza fa nosoratan' i Ezra na Esdrasa izay mpanora-dalàna ao amin' ny Baiboly. Ny sora-tanana tranainy indrindra mbola ananana, ​​natao tamin' ny teny latina tamin' ny taonjato faha-11, na dia milaza mafy ny fiavahan' ny lahatsoratra ao aminy fa tamin' ny teny grika ilay lahatsoratra tany am-boalohany. Sahala amin' ny Apôkalipsy grikan' i Esdrasa, dia mazava ho azy fa nataona Kristiana ilay asasoratra ary maneho apôstoly maromaro hita any an-danitra. Na izany aza, ny lahatsoratra dia fohy kokoa noho ilay apôkalipsy.

Miankina be dia be amin' ny Apôkalipsin' i Esdrasa, izay apôkalipsy teo alohany, ilay lahatsoratra, ary mampiseho an' Andriamanitra ho namaly ny vavak' i Ezra mba hahazo herim-po tamin' ny alalan' ny fandefasana anjely fito taminy mba hampiseho aminy ny paradisa. Ao amin' ny Fahitan' i Ezra amin' ny teny latina, dia nidina rihana telo na ambaratonga 72 i Ezra ary naseho azy ny helo. Rehefa tonga tany amin' ny helo i Ezra dia nisy fanahy nanatona azy ary nilaza taminy fa nanome aina kely azy ireo ny fahatongavany tany. Avy eo izy dia nentina ho any amin' ny tontolo ambanin' ny tany fahefatra izay ahitana ny mpanota mihantona amin' ny volomasony. Ny olo-marina hitany any an-danitra dia aseho ho toy ny mandalo eo amin' ny toerana midadasika misy lelafo sy liona mandefa afo amin' ny vavany, nefa tsy naninona. Heverina ho any am-paradisa koa ny ratsy fanahy, fa vetivety dia noviravirain' ny alika masiaka sy nodorana tamin' ny afo. Henon' i Ezra tamin' ny anjely iray teo akaiky teo fa ny heloky ny ratsy fanahy dia noho izy ireo "nandà ny Tompo sy niara-nanota tamin' ny vehivavy tamin' ny andron' i Tompo".

Misy andinin-teny azo ampitahaina ao amin' ny Testamenta Vaovao ao amin' ny Lioka 16:22 : fa maty ilay mpangataka ka nentin' ny anjely, ary tao amin' ny fampahatsiahivan' i Jesoa ilay kankana tsy mety maty ao amin' ny Marka 9:47-48 : any amin' ny helo dia tsy maty ny kankana izay mihinana azy.