Evanjelin'ny Fahazazana araka an'i Tomasy

Avy amin'i Wikipedia
Sauter à la navigation Sauter à la recherche

Ny Evanjelin'ny Fahazazana araka an'i Tomasy dia soratra apokrifan'ireo Kristiana voalohany. Tany amin'ny taonjato faha-3 no mety nanombohana nanoratra azy sady nampiasa loharano tranainy indrindra. Hita taratra ao ny hevitra avy amin'ny Gnostika sy ny hevitra hafa koa avy amin'ireo Ebionita. I Ireneo avy any Lyon dia miresaka ny amin'ny Evanjelin'ny Tomasy iray izay sokajiany ho soratra gnostika, ka mety ho ny Evanjelin'i Tomasy izay nahitana ny lahatsoratra manontolo tany Nag Hammadi tao Ejipta tamin'ny taona 1945. Io boky io dia fanangonan-dresak'i Jesoa izay voasoratra tamin'ny vanim-potoana mitovy amin'ny nanoratana ireo Evanjely kanonika sady tsy misy ifandraisany amin'ity fitantarana ny fahazazan'i Jesoa ity sady vosoratra aoriana lavitra.

Mitantara io boky io fa nampanidinin'i Jesoa ny vorona tanimanga ary nampanjariny jamba izay olona tsy nankasitrahiny. Mitantara ny fitaizana an'i Jesoa sy ny fianarany mamaky teny koa io evanjely io. Tantarainy ny fampiasan'i Jesoa ny herin'Andriamanitra ao aminy mba hanasitranany kokoa fa tsy hamonoany (ao amin'ny lahatsoratra tokoa dia namono zaza roa i Jesoa vokatry ny hatezerany).

Jereo koa:[hanova | hanova ny fango]

Ireo evanjelin'ny fahazazana