Elama

Avy amin'i Wikipedia
(tonga teto avy amin'ny Elamita)
Sauter à la navigation Sauter à la recherche
Toerana misy an'i Elama

I Elama dia faritra tamin'ny Andro Taloha tao amin'ny tapany atsimo andrefan'ny Lembalemba Iraniana, manodidina ny faritanin'i Khouzistan sy ny faritanin'i Fars, izay mifanandrify amin'ny faritr'i Sosa (na Soza) sy Ansàna (na Anzàna). Elamita no fiantsoana ny mponina ao. Miresaka momba ny tanin'ny Elamita ireo lahatsoratra tamin'ny faran'ny taonarivo faha-4 hatramin'ny taonarivo voalohany tal. J.K. ka mahafaoka zava-misy ara-jeografia sy ara-politika samihafa nandritra ny tantara lavany. Nisy fianakaviam-panjaka (dinastia) maro nifandimby nitondra tao nefa nisy fotoana nisian'ny fianakaviana niara-nitondra ary nisy koa fotoana nitambaran'ny fianakaviana maro nitondra (toy ny fianakavian'ny Sokalmà, ny an'ny Igehalkida, ny an'ny Sotrokida), indrindra tamn'ny taonarivo faha-2 tal. J.K. Nanomboka tamin'ny taonarivo voalohany tal. J.K. dia nihena ny veleran'i Elama ka tsy nisy tavela afa-tsy ny tapany andrefana manodidina an'i Sosiana, ny ampahany atsinanana dia nalain'ny Persiana, izay nanome anarana azy hoe Persia na Farsa. Ny tanin'ny Elamita dia tsy nanana fizakan-tena politika intsony taorian'ny adiny tamin'i Asiria sy ny nakan'ny Persiana azy, na dia toa nitambelona izy taonjato maro taty aoriana, amin'ny alalan'ny fanjakan'ny Elimaida. Mbola nisy sisa ny momba ny Elamita tamin'ny fiantombohan'ny taonarivo faha-2 taor. J.K.

Ny tantaran'i Elamita dia saro-tsarahina amin'ny an'ny Mesopotamia mifanakaiky aminy izay nanan-javatra naninteraka tao aminy.