Distrikan' i Sakaraha

Avy amin'i Wikipedia
Sakaraha
Velarantany NC
Isam-ponina 150 366[1] mponina
Tanànan-dehibe NC
Ben'ny tanàna NC
Firenena  Madagasikara
Faritany Toliara
Faritra Atsimo-Andrefana
Sakaraha
Ny Distrikan' i Sakaraha ao amin' ny Faritanin' i Toliara

Ny Distrikan' i Sakaraha dia distrika ao amin' ny Faritra Atsimo-Andrefana, ao amin' ny tapany atsimo-andrefan' i Madagasikara. I Sakaraha no renivohiny. Misy kaominina miisa 12 ny ao amin' io distrika io.

Mponina[hanova | hanova ny fango]

Ny mponina ao amin' ny distrikan' i Sakaraha dia nahitana fitomboana mafy hatramin' ny niandohan' ny fitrandrahana ireo vatosoa izay misy ao. Saika nandray tsara ny foko rehetra eto Madagasikara ity tanàna ity hatramin' ny nahitana ny safira. Ny isa-mponiny dia 74 000 tamin' ny taona 2001.

Jeôgrafia[hanova | hanova ny fango]

Mandalo ao amin' ny distrikan' i Sakaraha ny lalam-pirenena faha-7 (Toliara-Antananarivo). Ao avarany ny distrikan' Ankazoabo, ao andrefana ny distrikan' i Toliara II, ao avaratra-andrefana ny distrikan' i Morombe, ao atsimo ny distrikan' i Betioky, ao atsimo-atsinana ny distrikan' i Benenitra ary ao atsinanana ny distrikan' Ihosy izay ao amin' ny faritra Ihorombe. Ny distrikan' i Beroroha (avaratr' Ankazoabo) sy ny distrikan' Ampanihy (atsimon' i Betioky) ihany no tsy mifanila aminy amin' ireo distrikan' ny Faritra Atsimo Andrefana.

Toekarena[hanova | hanova ny fango]

Mamokatra mangahazo sy vomanga ary vary ny distrikan' i Sakaraha. Mamatsy ny tanànan' i Toliara izy io. Misy ihany koa ao amin' ity distrika ity, saika amin' ny kaominina rehetra misy azy, ny safira. Ny Srilankey sy Tailandey indrindra no mividy sy manondrana safira mba hivarotra izany any Azia.

Fitsinjaram-pahefana[hanova | hanova ny fango]

Ny Distrikan' i Sakaraha ao amin' ny Faritra Atsimo-Andrefana

Ao amin' ny Faritra Atsimo-Andrefana, ao amin' ny Faritanin' i Toliara voalohany ny Distrikan' i Sakaraha. Misy kaominina miisa 12 ny ao ka ireto avy izy ireo: Sakaraha, Ambinany, Amboronabo, Andamasiny Vineta, Andranolava, Bereketa, Mahaboboka, Miary Lamatihy, Miary Taheza, Mihavatsy, Mitsinjo ary Mikoboka.

Jereo koa[hanova | hanova ny fango]

Ireo distrika ao amin' ny Faritra Atsimo Andrefana: