Dariosa II

Avy amin'i Wikipedia
Sauter à la navigation Sauter à la recherche

I Dariosa II na Dariosy II dia zanak'i Artakserksesy I, izay nanjaka tamin'ny empiran'i Persia. Niakatra teo amin'ny fitondrana izy rehefa avy namono an'i Sogdianosy (izay namono koa an'i Kserksesy II), tamin'ny taona 424 tal. J.K. Tamin'ny taona 423 tal. J.K. izy dia efa governoran'i Hirkania sady efa nankato azy i Media sy i Babilona ary i Egipta. Isan'ny fianakaviana akemenida i Dariosa II. I Artakserksesy II no nandimby azy. I Parisatisy no vadiny ary i Artakserksesy II sy i Kirosy Zandriny no zanany.

Ny anarany[hanova | hanova ny fango]

Amin'ny teny persiana dia atao hoe Dārayavahush i Dariosa. Ny mpanoratra grika sasany dia manao azy hoe Ochos na νοθος / Nothos. izay midika hoe "tsy manan-dray".

Ny tantarany[hanova | hanova ny fango]

Tamin'ny fanapahany dia nanararaotra ny vokatry ny ady tany Peloponesosy ny Persiana, niditra an-tsehatra tamin'izany i Dariosa II tamin'ny alalan'ny governorany Farnabazosy sy Tisafernesy, izay nanohana an'i Atenay (na Atena) avy eo an'i Sparta. Tamin'ny taona 412 tal. J.K. dia nanao fifanarahana tao Miletosy i Sparta fa hamela ny tanànan'i Ionia tamin'ny Persiana, ka ho setrin'izany dia nikarakarana ny andian-tsambo mpiady spartiata ny volamenan'i Dariosa II.

Tamin'ny taona 411 sy 405 tal. J.K. dia nisy fikomian'ny andriandahy tao Tanisy notarihin'i Amirteosy sady notohanan'ireo tanàna grika, indrindra i Sparta. Namarana ny fanapahan'i Persiana an'i Egipta izany fikomiana izany. Niatrika ny fikomian'i Media sy i Lidia koa i Dariosa II tamin'ny taona 409 tal. J.K. Tamin'ny taona 408 tal. J.K. i Dariosa II dia nandefa ny zanany Kirosy Zandriny tany Azia Minora mba hampitsahatra amin'ny fomba hentitra ny fikomiana.

Maty tany Babilona i Dariosa II ary ny fahafatesany dia nahatonga ny zanany roa lahy hiady fitondrana, dia i Artakserksesy II sy i Kirosy Zandriny, ity farany no nankasitrahin-dreniny nefa i Artakerksesy II ihany no nahazo ny fitondrana tamin'ny farany.

Jereo koa[hanova | hanova ny fango]

Ireo mpanjaka akemenida nifandimby[hanova | hanova ny fango]

Ny tsy azo antoka fa mety noforonin'i Dariosy I:[hanova | hanova ny fango]

Akemenesy - Teispesy - Kirosy I - Ariaramnesy - Kambisosy I - Arsamesy

Ny azo antoka:[hanova | hanova ny fango]

Kirosy II Lehibe - Kambisosy II - Bardia - Dariosy I - Kserksesy I - Artakserksesy I - Kserksesy II - Sogdianosy - Dariosa II - Artakserksesy II - Artakserksesy III - Arsesy - Dariosy III.