Corridor Forestier Bongolava

Ny Lalan-dranon'i Bongolava (Corridor Forestier Bongolava) na Valan-javaboarin'i Bongolava, dia nosokajiana ho faritra voajanahary harovana nanomboka taminy taona 2015. Amin'ny faritra avaratra andrefan'i Madagasikara, ao amin'ny faritr'i Sofia sy faritany ny mahajanga no misy azy.

Toerana

Mizara ho distrika roa izy io: Mampikony (Betaramahamay sy Bekoratsaka) ary ny distrikan'i Port-Bergé (Port-Bergé II, Maevaranohely, Tsarahasina, ary Tsiningia), izay mivelatra amin'ny kaominina ambanivohitra fito sy fokontany 54.

Mirefy 60 589 hektara^[1] ny velaran-tany ary mivelatra eo anelanelan'ny latitude 15°25’09’’ sy 16°10’05’’ Atsimo ary latitude 47°15’10’’ sy 47°39’04’’ Atsinanana. Miovaova eo anelanelan'ny 38 m sy 320 m ny haavony. Ny zavamaniry voajanahary ao aminy dia ahitana ala maina mihintsana ravina miaraka amin'ny rakotry ny hazo mahatratra 15 m.

Mpitantana: Fikambanana Bongolava Maitso (bongolavamaitso.mg)

Toetrandro

Toetrandro maina any amin'ny Faritra Avaratra-Andrefana. Vanim-potoana mangatsiaka eo anelanelan'ny Jona sy Aogositra miaraka amin'ny mari-pana 15.4 °C ary vanim-potoana mafana manomboka amin'ny septambra ka hatramin'ny novambra miaraka amin'ny tampon'ny mari-pana mihoatra ny 37.9 °C - vanim-potoanan'ny orana eo anelanelan'ny Novambra sy Aprily.^[2]

Zavaboary

Maro ireo zava-boary mivelona ao anatiny valanjavaboary ny bongolava. Hitaratra fa maro ireo zava-maniry efa ho lany tamingana ao aminy valanjavaboary ny bongolava, ka ny fahafantaranazy ireo dia zavadehibe mba iarovany azy ireny.^[3]Zavamaniry maro samy hafa, hita amin'ny toe-tany isankarazany no hita ao amin'ny faritra arovana; Ala matevina, maina, ary somary mihintsandravina amin'ny tany fasika na kalsioma. Ala mihintsandravina amin'ny tany basaltika, savana miparitaka sy feno ahitra ary zavamaniry maitso mandavantaona amin'ny renirano. Tombony aminy fanana ireo zavamaniry ireo dia mamelona biby maro io ala io. Misy karazana gidro maromaro, bibilava, biby mampinono ary ireo karazana vorona koa ny valanjavaboary.^[4]

Mponina

Tsimihety ny mponina ao amin'io faritra io. Ka mpamboly no asany izy ireo. Fambolena netimpaharazana (tavy, tetika) no ampiasainy ny mponina ao an-toerana. Mahatratra 39% ny fahasimban'ny ala nohon'ny io fomba fambolena io. Ny mponina dia manaraka ny finoana netimpaharazana izany hoe Fivavahana amin' ny razana, na koa mangatapitahiana amin'ny razana .Ny mponina manodidina ny faritra arovana dia manana toeram-pivavahana sy fanaterana fanatitra ao anaty ala arovana ireo tantsaha Tsimihety. Io finoana sy fanajana ny faritra sasany amin'ny ala, toy ny "Ala Fady" (Ala Masina), sy ny "Doany", dia manamafy ireo fiarovana ny faritra misy azy ka manatsara ny farihy ary mahamaro ireo hazo tranainy.^[5]

Loharano sy fanamarihana

[1] vamaitso.mg

[2] Paysage Harmonieux Protégé du Corridor Forestier de Bongolava - La Maison de Madagascar

[3] Amélioration des connaissances sur la biodiversité et conservation de la zone clé pour la biodiversité de Bongolava, Madagascar | Page 217 | CEPF | CEPF

[4] Corridor Forestier de BONGOLAVA - Fikambanana Bongolava Maitso

[5] Paysage Harmonieux Protégé du Corridor Forestier de Bongolava - La Maison de Madagascar

[1]

[2]

[3]

[4]

[5]