Citrus limon

Ny Citrus × limon dia karazana hazo madinka ao amin' ny fianakaviana Rutaceae, ambolena any amin' ny faritr' i Mediterane sy any amin' ny faritra sobtrôpikaly mhahazoana ny voany. Ampiasaina ho fanatsarana sakafo ny ranom-boany. Amin' ny teny malagasy izy dia atao hoe voasarimakirana. Safiotry ny voasarimandina (Citrus medica) sy ny voangikely (Citrus aurantium) ity karazana ity.

Famariparitana

Hazo maitso ravina lalandava ny voasarimakirana. Afaka miaina eo anelanelan' ny 50 sy 80 taona izy io. Rehefa lehibe izy dia mahatratra haavo 3 ka hatramin' ny 5 m.

Ravina

Lavalava sy miendrika lela lefona ny ravin' ny voasarimakirana.

Vony

Fotsy manopy volomparasy ny vonin' ny voasarimakirana, ary mivondrona kely sy mipoitra avy eo am-poto-dravina.

Voany

Ny voan' ny voasarimakirana dia boribory lavalava, somary maranitra, manana halava 8 hatramin' ny 12 sm, maitso amin' ny voalohany ary mivadika mavo rehefa masaka. Marikivy ny nofony izay manana hoditra matevina misy menaka mahery fofona. Misy ravi-tsimoka fotsy ny vihim-boany vitsivitsy. Mamokatra voankazo mandavann-taona ny ankamaroan' ny ovan-karazan' ny voasarimakirana.

Ny voasarimakirana sasany, fantatra amin' ny anarana hoe "variegata", dia manana raviny misy loko ifandimbiasan' ny maitso sy loko mazava kokoa ary mamokatra voany manana loko toy izany koa mandritra ny fotoam-pihamasahany. Vony Mavokely ny voniny sy ny nofom-boany.

Fampiasana

Sakafo

Ampiasaina amin' ny sakafo isan-karazany ny voan' ny voasarimakirana, indrindra ho fanatsarana ny tsiron-kanina, amin' ny endrika ranom-boankazo, na hahazoana ny fofony fotsiny. Hanin' ny olona any Espaina ny ravin' ny voasarimakirana ao amin' ny mifo atao hoe "Paparajotes". Amokarana ny "Limoncello" ny fandomana ny hodiny amin' ny alikôla miaraka amin' ny siramamy.

Fitsaboana

Ampiasaina amin' ny arômaterapia ny menaka voasarimakirna.

Jereo koa

Citrus
Voasarimakirana (voany)