Aretina an-doha
Ny aretina an-doha na aretin-doha dia aretina miseho amin' ny alalan' ny fanaintainana eo amin' ny tarehy, ny loha, na ny tenda. Mihabetsaka ny mety ho voan' ny fahaketrahana amin' ny olona marary an-doha mafy.
Mety hitranga noho ny antony maro ny aretin-doha. Misy fomba fanasokajiana maromaro ho an' ny aretina an-doha. Ny tena ekena indrindra dia ny an' ny International Headache Society, izay manasokajy karazany 150 mahery amin' ny aretin' an-doha voalohany sy faharoa.
Ny antony mahatonga ny aretina an-doha dia mety ny tsy fahampian-drano ao amin' ny vatana, ny havizanana, ny tsy fahampian-torimaso, ny adin-tsaina, ny vokatry ny fanafody (fampiasana be loatra) sy ny zava-mahadomelina fialamboly sy ny fialana amin' izany, ny virosy, ny feo sy ny tabataba mafy, ny ratra amin' ny loha, ny fihinanana haingana sakafo na zava-pisotro mangatsiaka be, ary ny olana amin' ny nify na ny sinosy (toy ny sinozita).
Miankina amin' ny fototr' aretina ny fitsaboana ny aretina an-doha, fa ho an' ny aretina an-doha maivana sy antonony dia matetika no ampiasaina ny fanafody fampitoniana fanaintainana. Anisan' ny fanaintainana ara-batana fahita matetika ny aretina an-doha. Manodidina ny antsasaky ny isan' ny olon-dehibe no marary an-doha isan-taona iray. Ny aretina an-doha vokatry ny tosi-dra no fantatra indrindra, izay mahazo ny 24,9 % amin' ny mponina.