Anomura

Ny Anomura, na indraindray Anomala, dia zafim-pilaharana ao amin' ny Decapoda. Misy fitoviana amin' ny foza na drakaka mahazatra aza ny Anomura maro, nefa ireo voalohany ireo dia ao amin' ny vondrona rahavavin' ny Anomura, ny Brachyura (ny vondrona roa miaraka no mamorona ny klada Meiura).

Amin' ny maha anisan' ny Decapoda azy dia manana tongotra folo ny Anomura, fa ny roa farany izay kely kokoa noho ny hafa dia matetika miafina ao anatin' ny toerana misy ny sagoaga (ao ambanin' ny hodiny mafy) mba hampiasaina hanadiovana ny sagoaga. Koa satria tsy fahita firy io fandaharana io amin' ny Brachyura (ohatra, ny fianakaviana kely Hexapodidae), ny "foza" izay tsy manana afa-tsy tongotra valo hita dia Anomura amin' ny ankapobeny.

Ny anarana hoe Anomura dia avy amin' ny fanasokajiana taloha izay nizarana ny Decapoda mandeha (Reptantia) ho Macrura (lava rambo) sy Brachyura (fohy rambo) ary Anomura (hafa rambo). Ny foza rehetra dia misy fitovitoviana miharihary, fa ny vondrona Anomura isan-karazany kosa dia tsy mitovy.

Fanakilasiana anatiny

Ny fandalinana filôjenetika vao haingana (2007) dia nanavaka fianakaviambe fito.

Aegloidea Dana, 1852
- Aeglidae Dana, 1852
Chirostyloidea Ortmann, 1892
- Chirostylidae Ortmann, 1892
- Eumunididae A. Milne Edwards & Bouvier, 1900
- Kiwaidae Macpherson, Jones & Segonzac, 2005
Galatheoidea Samouelle, 1819
- Galatheidae Samouelle, 1819
- Munididae Ahyong, Baba, Macpherson, Poore, 2010
- Munidopsidae Ortmann, 1898
- Porcellanidae Haworth, 1825
Hippoidea Latreille, 1825
- Albuneidae Stimpson, 1858
- Blepharipodidae Boyko, 2002
- Hippidae Latreille, 1825
Lithodoidea Samouelle, 1819
- Hapalogastridae Brandt, 1850
- Lithodidae Samouelle, 1819
Lomisoidea Bouvier, 1895
- Lomisidae Bouvier, 1895
Paguroidea Latreille, 1802
- Coenobitidae Dana, 1851
- Diogenidae Ortmann, 1892
- Paguridae Latreille, 1802
- Parapaguridae Smith, 1882
- Pylochelidae Spence Bate, 1888
- Pylojacquesidae McLaughlin & Lemaitre, 2001