Ankamantatra
Ny ankamantatra [1]dia fanambaràna na fanontaniana misy heviny miafina, sy natao hovahana, homem-baliny. Misy karazany roa ny ankamantatra, dia ny olana ambara amin'ny ankapobeny amin'ny fiteny an'ohatra na fanoharana izay mitaky faharanitan-tsaina sy fieritreretana amim-pitandremana mba hahitana ny vahaolana, ary ny fanontaniana miorina amin' ny kilalaon-teny ahitana teny mitovitovy fanonona na manana heviny maro.
Ankamantatra dia karazana literatiora am-bava ahitana fanontaniana na fanambaràna miafina izay mitaky valiny na vahaolana. Anisan'ny singa manan-danja ao amin'ny kolontsaina sy ny vakoka ara-tsaina malagasy izy io, ary ampiasaina ho fialamboly sy ho fitaovana fanabeazana.
Famaritana
[hanova | hanova ny fango]Ny ankamantatra dia teny na fehezanteny natao hampieritreritra ny mpihaino amin'ny alalan'ny fanoharana, fampitahana, na kilalaon-teny[2]. Ny tanjony dia ny hitsapana ny fahalalana sy ny fahaiza-mandinika ary ny fahaiza-mamaha olana.
Misy karazany maro ny ankamantatra, saingy azo sokajiana ho:
- ankamantatra miorina amin'ny fanoharana sy sary an-tsaina;
- ankamantatra miorina amin'ny kilalaon-teny;
- ankamantatra ara-kajy sy ara-tsaina.[3]
Eo amin' ny fanabeazana dia miendrika fialamboly ny ankamantatra, izay mamporisihana ny ankizy handinika ny tontolo manodidina azy, misarika ny sainy handinika ny fahamarinan' izay nolazaina.
Anjara asany eo amin'ny fiarahamonina
[hanova | hanova ny fango]Eo amin'ny fiarahamonina malagasy, ny ankamantatra dia fitaovana enti-manabe sy mampivelatra ny sain'ny ankizy. Amin'ny alalany no ampitana fahalalana momba ny zavaboary, ny fiainana andavanandro, ary ny soatoavina ara-kolontsaina.
Matetika izy io no ampiasaina mandritra ny fiarahana an-trano, amin'ny hariva, na amin'ny fotoana fialam-boly, ka ahafahan'ny ankizy sy ny olon-dehibe mifampizara fahalalana.
Endrika hisehony
[hanova | hanova ny fango]Ny fomba fisehony na endrika hisehony ankamantatra ary ny anolorana azy ampihaino dia azo zaraina efatra toy izao fanotanina,fanambarana an'ohatra na hoe fanoharana , endrika kialalao ary endrika mitobona ara-tsaina.
Endrika fanontaniana
[hanova | hanova ny fango]Atao miendrika fanontanina livantana mitaky valiny matetika miendrika tay izao fanontanina hoe : "Inona ary zany............?"
Ohatra : Inona ary zany, manan-tongotra fa tsy mandeha?
Valiny : latabatra , seza
Endrika fanoharana
[hanova | hanova ny fango]Zavatra tsy tiana lazaina mivantana fa aminy alalana ankamatra ny hanaovana azy
Ohatra :"manidina tsy manana elatra , mitomany tsy manana maso"
valiny : Rahona
Endrika kilalaon-teny
[hanova | hanova ny fango]Atao aminy endrika kilalao mitovitovy , manana valy maromaro matetika mampiomehy na mitaky fisainana lalina
Endrika ara-tsaina sy kajy mitombina
[hanova | hanova ny fango]Misy kajy atao tampoka , misy zavatra mitombona
ohatra : misy vorona roa samy manatody aminy hazo iray ny iray ao sampana ambony fa ny iray ao sampany ambany. Raha analana iray ny atody amin'ilay vorona ao ambony ka ampidinana ao amilay vorona ao ambany dia lasa atsasakiny atody ilay vorona ao ambany ny atodin'ilay vorona ao ambony , fa raha hampakarina ao amin'ilay vorana ao ambony kosa ny atody iray amin'ilay vorona ao ambany dia mitovy ny isany atodin'izy roa. Firy ary ny isan'ny atody ireo vorona ireo.
Valiny : vorona ao ambony manana atody miisa 5 fa vorona ao ambony manana atody miisa 7