Alan' i Ranobe

Ny Alan' i Ranobe dia faritra misy ala any amin' ny ilany atsimo-andrefan' i Madagasikara eo anelanelan' ny renirano Manombo sy ny ony Fiherena, any amin' ny 32 km avaratr' i Toliara, any amin' ny Lalam-pirenena faha-9^[1], dia faritra misy ny karazan-javamananaina miavaka tsy manam-paharoa. Tamin' ny taona 2015 dia nosokajiana ho faritra arovana amin' ny anarana hoe "Ranobe PK32" izy io, izay mirefy 168 500 ha^[2]^[3].

Ny zavamananaina ao naty ala

Ny zavamaniry

Ny velaran-javamaniry ao amin' io ala io dia isan-karazany, anisan' izany ny kirihitra amoron-tsiraka eny amin' ny dongom-pasika, ny kirihitra misy tsilo maina anjakan' ny Didieraceae, ary ny ala maina mikitroka mahatratra 15 m mahery, izay ahitana ny karazana zaha toy ny Adansonia rubrostipa sy ny Adansonia za^[1]. Ny 90 % amin' ny karazan-javamaniry hita ao dia tsy manam-paharoa eto amin' izao tontolo izao^[4]^[5]^[6].

Ny biby

Be dia be ny karazam-biby any, izay ahitana karazana vorona miisa 148 sy karazana biby mandady sy mikisaka miisa 42 voarakitra an-tsoratra. Ahitana karazana gidro sy maky valo ao amin' io faritra io, izay maneho ny fahasamihafan' ny karazan' ireo biby ireo indrindra any amin' ny ilany atsimo-andrefan' i Madagasikara^[1].

Tandindomin-doza

Fitrandrahana ala

Tandindomin-doza ny Alan' i Ranobe noho ny fanapahana hazo sy ny famokarana arina, izay miteraka faharinganan' ny 35,3 % amin' ny fitambaran' ny velarant-tany misy ny ala^[1]. Misy ny ezaka fitahirizana ho amin' ny fiarovana sy famerenana amin' ny laoniny ity ala tsy manam-paharoa ity, ka anisan' izany ny fandaharan' asa fambolen-kazo sy ny fandraisana anjaran' ny vondrom-piarahamonina eo an-toerana^[7].

Ny fitrandrahana harena an-kibon' ny tany

Ankehitriny dia misy ny tetikasa fitrandrahana harena an-kibon' ny tany (ilmenita sy zirkôna, ary rotila) ao amin' ny faritra misy ny Alan' i Ranobe izay sahanin' ny orinasa Toliara Sands teo aloha sy ny Base Toliara ankehitriny (2025) izay miorina 50 km ao avaratr' i Toliara^[8].

Rehefa nisy ny fanoherana nataon' ny vondrom-piarahamonina sy ny fikambanana mpiaro ny tontolo iainana, indrindra ny mpiaro ny Alan' i Ranobe, dia nosakanan' ny fanjakana malagasy tamin' ny taona 2019 ilay tetikasa. Atahorana mantsy ny hisian' ny fiatraikany ratsy sy lehibe amin' ny tontolo iainana, anisan' izany ny fanimbana ny toeram-ponenana voajanaharin' ny karazan-javamananaina (ala mirefy 455 ha) sy ny fakana tanin' ny mponina ao an-toerana^[4]^[5]^[6]. Ny fanamboaran-dalana mirefy 55 km hitaterana ny harena an-kibon' ny tany mankany amin' ny seranan-tsambon' i Toliara dia mety hanimba ny faritra arovana Ranobe PK32, izay mety hampisaratsaraka ny ala sy hampitoka-monina ny karazan-javamananaina ao aminy^[5]^[6]. Ity faritra ity dia anisan' ny Ala Mikea, izay malaza fantatra amin' ny fisian' ny karazan-javamananaina tsy manam-paharoa ao aminy^[5]^[9]. Ny fasika misy mineraly dia misy oraniôma sy tôriôma etsaka dia betsaka, sy singa radiôaktifa ao anaty zirkôna. Ny fandotoana vokatr' izany dia mety hisy fiantraikany amin' ny karazanm-biby amin' ny alalan' ny rano sy ny vovoka, ary mety hisy hiteraka fiovan' ny fototarazo^[4]^[5]^[6]. Io tetikasa io dia handany rano 500 m³ isan' ora, izay hotrohina 100 m avy any anaty tany, ka mandrahona ny tahirin-drano ho an' ny taranaka ho avy izany^[10].

Na izany aza dia milaza ny tompon' andraikitra ao amin' ny Base Toliara sy ny mpanohana ilay tetikasa fa hiteraka asa sy fampandrosoana ara-toekarena ny fitrandrahana harena an-kibon' ny tany. Mbola tsy azo antoka anefa ny tombontsoa ho an' ny mponina. Amin' izao fotoana izao dia mijanona ny tetikasa, saingy misy ny tsindry amin' ny famohazana azy indray^[11].

Jereo koa

Fitrandrahana ao Ranobe

Loharano sy fanamarihana

↑ ^1,0 ^1,1 ^1,2 et ^1,3 "Aire Protégée de Ranobe PK32", maison-de-madagascar.ch,
↑ "A la découverte d’une biodiversité unique !", wwf.panda.org, 05/08/2013
↑ "Ranobe PK32", protectedareas.mg
↑ ^4,0 ^4,1 et ^4,2 "Les dirigeants malagasy ont le devoir de prendre en compte les impacts négatifs sur la population du projet Base Toliara" (pdf), lgdi-madagascar.com, 19/03/2024
↑ ^5,0 ^5,1 ^5,2 ^5,3 et ^5,4 "Base Toliara sands mine - Madagascar", www.banktrack.org, 2/04/2024
↑ ^6,0 ^6,1 ^6,2 et ^6,3 "Extraction minière : l’Australien Base Resources contesté", ecoaustral.com, 21/03/2019
↑ "Ranobe, Toliara II: Base Toliara s’engage pour la reforestation", newsmada.com, 24/02/2025
↑ "Projet Toliara Sands", toliarasands.com,
↑ "Habitat Change and Loss in Madagascar", www.lemurconservationnetwork.org
↑ "Siteny Randrianasoloniaiko : Haro sur les impacts environnementaux du projet Base Toliara", midi-madagasikara.mg, 21/01/2023
↑ "Base Toliara: bénédiction et espoirs à Ranobe", newsmada.com, 16/01/2025.

[:0-1] 1,0 ^1,1 ^1,2 et ^1,3 "Aire Protégée de Ranobe PK32", maison-de-madagascar.ch,

[2] "A la découverte d’une biodiversité unique !", wwf.panda.org, 05/08/2013

[3] "Ranobe PK32", protectedareas.mg

[:1-4] 4,0 ^4,1 et ^4,2 "Les dirigeants malagasy ont le devoir de prendre en compte les impacts négatifs sur la population du projet Base Toliara" (pdf), lgdi-madagascar.com, 19/03/2024

[:2-5] 5,0 ^5,1 ^5,2 ^5,3 et ^5,4 "Base Toliara sands mine - Madagascar", www.banktrack.org, 2/04/2024

[:3-6] 6,0 ^6,1 ^6,2 et ^6,3 "Extraction minière : l’Australien Base Resources contesté", ecoaustral.com, 21/03/2019

[7] "Ranobe, Toliara II: Base Toliara s’engage pour la reforestation", newsmada.com, 24/02/2025

[8] "Projet Toliara Sands", toliarasands.com,

[9] "Habitat Change and Loss in Madagascar", www.lemurconservationnetwork.org

[10] "Siteny Randrianasoloniaiko : Haro sur les impacts environnementaux du projet Base Toliara", midi-madagasikara.mg, 21/01/2023

[11] "Base Toliara: bénédiction et espoirs à Ranobe", newsmada.com, 16/01/2025.

[1]

[2]

[3]

[4]

[5]

[6]

[7]

[8]

[9]

[10]

[11]