Akamasoa
Akamasoa dia fikambanana mpanao asa soa izay manampy ireo vahoaka sahirana ao Antananarivo, renivohitr'i Madagasikara, natsangan'i Pedro Opeka fantatra amin'ny fiantsona azy hoe "Mômpera Pedro"[1].
Niorina tamin'ny 1989 izy io, ka ireo tsy manan-kialofana manodidina ny fanariam-pako teny amin'ny fokontanin'Andralanitra no nisitraka an'izany fanampiana izany voalohany.[2]
Na dia neken’ny fanjakana malagasy ho sampan-draharaham-panjakana aza ity fikambanana ity tamin’ny taona 2004, dia mahalana vao mahazo fanampiana ara-pitaovana avy amin’ny tompon’andraiki-panjakana, ary tsindraindray no mahazo famatsiam-bola avy amin’ireo fikambanana iraisam-pirenena lehibe. [3]
Miankina amin'ny ankapobeny amin’ny fahalalahan-tanan’ireo mpamatsy vola tsy miankina ny fampandehanan-draharaha isan’andro ny fikambanana[4], ireo izay mankasitraka ny foto-kevitra notarihin’i Mômpera Pedro. Izy no manentana izany fanohanana izany amin'ny alalan'ny asa fanentanana lehibe, indrindra amin'ny alalan'ny fihaonambe iraisam-pirenena, izay karakarainy mandritra ny fitetezam-paritra telo isan-taona manerana izao tontolo izao.
- ↑ Mijoro ny Fiaraha-Mientan’Olo-tsotra Taorian’ny Tondra-drano Teto Madagasikara · Global Voices teny Malagasy
- ↑ https://www.madagascar-association.fr/akamasoa/
- ↑ https://www.perepedro-akamasoa.net/biographie/
- ↑ La solidarité citoyenne s'organise à Madagascar suite aux inondations
