Adansonia

Ny Adansonia dia vondron-karazan-javamaniry mamony ao amin' ny fianakaviana Bombacaceae, araka ny fanasokajiana klasika taloha, na ao amin' ny fianakaviana Malvaceae sy zana-pianakaviana Bombacoideae, araka ny fanasokajiana filôjenetika. Hazo trôpikaly izy ireo, izay tsy misy afa-tsy eto Madagasikara sy any Aostralia ary ao Afrika. Amin' ny teny malagasy dia antsoina matetika hoe reniala na za izy ireo, nefa misy koa anarana samihafa arakaraka ny karazany na ny fiteny ao amin' ny faritra aniriany: rainiala, reniala, renala, bontana, bontona, vontana, vontona, fony, fone, ringy, za, zaha, vonoa, sns izy ireo arakaraka ny karazany sy ny faritra aniriany. Misy karazany sivy izy io maneran-tany, ka ny fito aminy dia maniry eto Madagasikara ary enina amin' izay dia tsy misy afa-tsy eto ihany, ny roa kosa dia miparitaka amin' ny faritra hafa voalaza etsy ambony. Hazo makadiry ny zaha, izay mety hahatratra hatramin' ny 40 m ny haavony, misy koa anefa ireo izay somary fohifohy 4 m na 5 m. Mety ho velona mandritra ny 1 000 taona na maherin' izany aza izy raha tsy misy manimba. Mbola eo koa ny voka-tsoa maro azo avy aminy, na fanafody izany na zavatra hafa. Azo atao sakafo sy fampiasana amin' ny fanaingoana vatana ny voany. Na ny tahony, na ny raviny, na ny hodiny, na ny voany, dia tsy misy very fa azo ampiasaina avokoa.

Lisitry ny karazana

Adansonia digitata (= Adansonia kilima) -- baobaba, baobaza, baovola, bontona, boringy, fontana, rainiala, ringy, sefo, vonoa, vontana, vontona (Afrika avaratra sy afovoany, atsimo ary atsinanana)
Adansonia grandidieri -- renala, reniala, renibeala, vonoa (Madagasikara)
Adansonia gregorii (= Adansonia gibbosa) – zaha aostraliana (Aostralia avaratra-andrefana)
Adansonia madagascariensis – bontana, bontona, bozy, fony, mboio, reniala (Madagasikara)
Adansonia perrieri – za, bozy (Madagasikara avaratra)
Adansonia rubrostipa (= Adansonia fony) – boringy, fone, fony, ringy (Madagasikara)
Adansonia suarezensis – vonoa, za (Antsiranana, Madagasikara)
Adansonia za – bontana, bontona, boringy, bozo, bozy, fony, mboio, ringy, voajabo, za, zabe, zabo (Madagasikara)

Jereo koa

Rohy ivelany

The Baobab's official website, Baobab Archived Novambra 11, 2020 at the Wayback Machine (en)
Thomas Pakenham Remarkable Baobab (2004) ISBN 0-297-84373-7
Jardin Botanique et Pepiniere – Baobab species details
Jardin Botanique et Pepiniere – Baobab photo gallery
Madagascar info – Baobab photo gallery (Malagasy species only) Archived Septambra 22, 2008 at the Wayback Machine
Baobab: herbal information from King's American Dispensatory
Baobab: Interactive Bibliography Archived Mey 8, 2006 at the Wayback Machine