Maoritania

Avy amin'i Wikipedia
Sainan' i Maoritania
Satin-tany maneho an' i Maoritania eto amin' izao tontolo izao

I Maoritania dia firenena ao amin' ny tapany avaratr' i Afrika Andrefana, izay manana morontsirana ao amin' ny Ranomasimbe Atlantika, manana velarana mirefy 1 031 000 km². Atao hoe Maoritaniana ny vahoakan' io firenena io.

I Maoritania dia tany ihaonan’ i Magreba sy i Afrika atsimon' i Sahara. Be tany efitra i Maoritania: ny 2/3 amin' ny taniny dia ao amin' ny tany efitr' i Sahara. Mahatratra 38 °C ny hafanana mandritra ny enim-bolana mahery amin' ny andro fa mangatsiatsiaka kosa ny alina. Manana toetany antonony ny faritra a-morontsiraka.

Sarin-tanin' i Maoritania

Ny mponin' i Maoritania dia ahitana Arabo-Berbera (izay atao hoe Maora) sy Afrikana mainty hoditra. Monina an-tanàn-dehibe ny antsasaky ny mponina na dia mbola manjaka ny fonenana ambanivohitra sy ny fifindrafidrà-monina anatiny. Saika ny vahoaka maoritaniana rehetra no manaraka ny fivavahana silamo.

Miompana amin' ny fiompiana andiam-biby fiompy ny toekaren' i Maoritania. Mandroso ny fifanakalozana eo ammin' ny faritra avaratra karankaina sy ny faritra atsimo be hivoka ao amin' io firenena io. Tsy hita ny fambolena raha tsy amin' ny toerana lonaka maromaro afovoan' ny tany efitra (ôazisy) sy amin' ny faritra atsimo. Na izany aza dia ianjadian' ny haintany sy ny fitomboan' ny tany efitra ny fambolena any amin' io firenena io. Anisan' ny mampidi-bola any koa ny fitrandrahana harena an-kibon' ny tany (indrindra ny vy) sy ny raharaham-barotra ary ny jono.

Ny fiteny arabo hasanià sy ny fiteny vôlôfo no fiteny ôfisialy any Maoritania.

Jereo koa[hanova | hanova ny fango]

Firenena ao Afrika:

Afrika Atsimo - Alzeria - Angôla - Benîno - Borkina Fasô - Borondy - Bôtsoana - Ejipta - Eritrea - Esoatiny (Soazilandy taloha) - Etiôpia - Gabôna - Gambia - Ganà - Ginea - Ginea Bisao - Ginea Ekoatôrialy - Jibotỳ - Kamerona - Kapvera - Kenia - Kômôro - Kôtidivoara - Lezôtô - Liberia - Libia - Madagasikara - Malaoy - Malỳ - Maorisy - Maoritania - Marôka - Môzambika - Namibia - Nizera - Nizeria - Oganda - Repoblika Arabo Saharaoy Demôkratika - Repoblika Demôkratikan' i Kôngô - Repoblikan' i Afrika Afovoany - Repoblikan' i Kôngô - Roanda - Saô Tôme e Prinsipe - Seisely - Senegaly - Siera Leôna - Sodàna - Sodàna Atsimo - Sômalia - Sômalilandy - Tanzania - Tôgô - Tonizia - Tsady - Zambia - Zimbaboe

Kôntinenta eto an-tany